Қош келдің, Әз-Наурыз: Даналық мектебі – ұлттық тәрбие бастауы
#қошкелдіңнаурыз #2026наурыз #Адал_азамат #біртұтастәрбие #даналықмектебі #атаанақолдауорталығы Қош келдің, Әз-Наурыз: Даналық мектебі – ұлттық тәрбие бастауы «Өткенін ескермеген, өшкенін іздемейді». Осы бір терең даналықты ту еткен «Шаян» мектеп-лицей" КММ-де "Наурызнама" онкүндік іс- жоспар аясында «Даналық мектебі» жобасымен ерекше тағылымдық кеш өтті. Бұл шара – жай ғана мерекелік жиын емес, ата-бабамыздан қалған асыл қазына мен заманауи құндылықтарды тоғыстырған үлкен рухани диалог алаңына айналды. Шараның басты бағыттары: 1. Тұсаукесер: Болашаққа нық қадам Кештің ең тебіреністі сәті — бүлдіршіннің тұсаукесер рәсімі болды. Баланың алғашқы қадамы — оның үлкен өмірге жасаған нық секірісі. Біз ала жіпті аттамай, адал өтуді мұрат тұтқан бабалар жолымен баланың тұсауын кесе отырып, оның бойына еркіндік пен қайсарлықты ектік. 2. Бұрым өру: Сұлулық пен иба мектебі Ақ жаулықты әжелеріміз бен аяулы жеңгелеріміз қыздардың шашына шолпы тағып, бұрымын өрді. Бұл сәтте тек сұлулық қана емес, ұлттық намыс пен қыз баланың қадір-қасиеті дәріптелді. Шолпының сыңғыры — әдептің, ал өрілген бұрым — тәрбиенің белгісі екені ұғындырылды. 3. Әдеп — ардың ісі Үлкен буын өкілдері «Бата беру», «Сүйінші», «Тізе бүгу» сияқты ұмыт болып бара жатқан, бірақ мағынасы терең әдеп нормаларының мәнін ашып берді. Ұлттық код — болашақтың кепілі Қазіргі жаһандану заманында ұлттық кодты қалай сақтап қаламыз? Қатысушылар осы сұрақ төңірегінде пікір алмасып, ұлттық тәрбие – білімнің іргетасы екенін бірауыздан атап өтті. Наурыз — жаңару мен татулықтың мейрамы. Біздің «Даналық мектебіміз» осы құндылықтарды оқушылардың жүрегіне ұялатып, ұлттық рухты биіктетті. Ұлыс оң, ақ мол болсын!
|
