Мектебімізде «Инклюзивті білім беруді қолдау кабинеті » ашылды.

«Шаян» мектеп-лицей» коммуналдық мемлекеттік мекемесінің жанынан ерекше білім беруді қажет ететін білім алушыларға сапалы білім беру мен кешенді қолдау көрсету мақсатында «Инклюзивті білім беруді қолдау кабинеті» ашылды. Кабинеттің қызметі: ерекше білім беру қажеттіліктері бар балалардың психологиялык дамуын колдауға, оқу-тәрбие үдерісіне бейімделуіне жағдай жасауға, мәдениетке баулуға, танымдық қабілеттерін дамытуға, әлеуметтік ортаға сәтті кірігуіне және қоғаммен өзара әрекеттесуге бағытталған. Кабинетте педагог-психолог, педагог-дефектолог және педагог-логопед мамандар балаларға жеке және топтық түзету-дамыту сабақтарын, кеңес беру, диагностикалық жұмыстар жүргізеді. Сонымен қатар кабинет меңгерушісі, әдіскер және тиісті мамандар ата-аналар мен педагогтерге әдістемелік және психологиялық көмек көрсетуде. Кабинет жұмысын бастағалы ата-аналармен кездесулер ұйымдастырылып жұмыстар жандануда.