Ерекше білімді қажет ететін балаларды оқытудағы әдіс-тәсілдер
02 сәуір 2026ж күні “Шаян” мектеп-лицей” КММ-де «Инклюзивті білім беруді қолдау» орталығының мамандары “Ерекше білімді қажет ететін балаларды оқытудағы әдіс-тәсілдер” тақырыбында педагогтер мен сынып жетекшілерге арнап шебер-сынып өткізді. Шебер-сыныпты өткізудегі мақсаты – педагогтерге ерекше білім беруді қажет ететін (ЕБҚ) балалармен оқыту үдерісінде қолданылатын тиімді әдіс-тәсілдермен таныстыру, инклюзивті ортада баланың жеке ерекшеліктеріне сай қолдану жолдарын көрсету. Шебер-сынып барысында келесі бағыттар қамтылды: - ЕБҚ балалардың психофизикалық ерекшеліктерін ескере отырып, оқыту принциптері; - Саралап, даралап оқыту әдістері; - Көрнекілік, визуалды қолдау, құрылымдау, бейімделген тапсырмалар түрлері; - Тірек-сигналдар, карточкалар, коммуникативтік тақталар (PECS элементтері); - Қимыл-қозғалыс ойындары мен сенсорлық интеграция элементтерін қолдану; - Қиындықтары бар балалармен кері байланыс және күшейту тәсілдері. Шебер-сынып барысында қатысушылар практикалық жұмыстар орындап, әдістемелік материалдармен танысты. Іс-шара соңында қатысушыларға ұсыныстар беріліп, тәжірибе алмасу ұйымдастырылды. Шебер-сынып өз мақсатына жетіп, педагогтердің инклюзивті ортада жұмыс істеу дағдыларын нығайтуға мүмкіндік берді.
 |
