Оқушыларға АИТВ мен ЖЖБИ туралы ақпарат беру,
АИТВ және ЖЖБИ алдын алу – жастар денсаулығының кепілі Бәйдібек ауданы білім бөлімінің 20.01.2026 жылғы №25/505 санды шығыс хатына сәйкес, 2026 жылы жастар арасында АИТВ инфекциясының және жыныстық жолмен берілетін инфекциялардың (ЖЖБИ) алдын алу бағытында ақпараттық-түсіндірме жұмыстарын жүргізу мақсатында бірқатар іс-шаралар жоспарланған. Осы жоспар аясында Бәйдібек аудандық “Жастар ресурстық орталығы” КММ және Бәйдібек аудандық денсаулық сақтау орталықтарымен бірлесіп, “Шаян” мектеп-лицей” КММ-де 9–11 сынып оқушыларының қатысуымен танымдық кездесу ұйымдастырылды. .🎯 Іс-шараның мақсаты: Оқушыларға АИТВ мен ЖЖБИ туралы ақпарат беру, жұғу жолдары мен алдын алу әдістерін түсіндіру, саналы таңдау жасауға және салауатты өмір салтын ұстануға ынталандыру. Іс-шараны ұйымдастырушы - мектеп директорының тәрбие ісі жөніндегі орынбасары Н. Молдабекова, мектеп медбикесі М. Мамаева және мектептің Қыздар комитетінің төрайымы М. Хожамуратова. Кездесуге арнайы қатысқан Бәйдібек аудандық орталық ауруханасының салауатты өмір салтын қалыптастыру бөлімінің дәрігері Бекмаханова Ақтолқын Нурлыханқызы оқушыларға: АИТВ және ЖЖБИ туралы жалпы түсінік; жұғу жолдары; алдын алу шаралары; жеке бас гигиенасы мен жауапты мінез-құлықтың маңызы жөнінде кең көлемде ақпарат берді. Сонымен қатар, оқушылардың көкейінде жүрген сұрақтарына ашық форматта жауап беріліп, еркін пікір алмасу жүргізілді. Аталған іс-шара жасөспірімдерге денсаулықтың ең үлкен байлық екенін түсіндіріп, қауіпті инфекциялардың алдын алу жолдарын саналы түрде ұғындыруға мүмкіндік берді. Мұндай кездесулер оқушылардың медициналық сауаттылығын арттырып, салауатты өмір салтын ұстануға бағытталған дұрыс көзқарас қалыптастыруда маңызды рөл атқарады. Алдағы уақытта да жастар арасында алдын алу бағытындағы ақпараттық жұмыстар жүйелі түрде жалғасын табатын болады. ✨ Мұндай кездесулер – жай ғана дәріс емес, ✨ бұл – өмірге деген дұрыс көзқарас, ✨ бұл – саналы таңдау жасауға бағытталған маңызды қадам. 👏 Іс-шараны ұйымдастырған мектеп әкімшілігіне, медицина қызметкерлеріне және белсенді оқушыларға алғыс білдіреміз! 📍 Салауатты өмір салты – әр жастың таңдауы! 📍 Денсаулықты сақтау – бүгіннен басталады! #СалауаттыЖастар #БәйдібекЖастар #АИТВАлдынАлу #ЖЖБИҚауіпсіздік #ШаянМектепЛицейі
|
