"Мектептегі қауіпсіз орта: зорлық-зомбылықтың алдын алу және дағдарыс жағдайында әлеуметтік-психологиялық қолдау және әдістемелік көмек беру"
#Адал_азамат Түркістан облысы Бәйдібек аудандық білім бөліміне қарасты "Шаян" мектеп-лицей" коммуналдық мемлекеттік мекемесінде Түркістан облысы білім басқармасының "Түркістан облысының психологиялық қолдау орталығының" хатына сәйкес16 (қазан айы) күні "Мектептегі қауіпсіз орта: зорлық-зомбылықтың алдын алу және дағдарыс жағдайында әлеуметтік-психологиялық қолдау және әдістемелік көмек беру" тақырыбында «Түркістан облысының психологиялық қолдау орталығы» әдіскерлері мен психолог мамандарының қатысуымен әдістемелік семинар өтті. Семинардың мақсаты: білім беру ұйымдарында қауіпсіз әрі қолайлы орта қалыптастыру, оқушылардың психологиялық саулығын нығайту, сондай-ақ зорлық-зомбылықтың алдын алу және дағдарыс жағдайында кәсіби қолдау көрсету жолдарын талқылау. Семинар барысында эмоциялық интеллект, сенімді қарым-қатынас орнату, балалардың психологиялық қауіпсіздігі мен мінез-құлқындағы күрделі өзгерістердің алдын алу жолдары талқыланды. Қатысушылар тәжірибе алмасты, сұрақтарға жауап алды, мамандар тарапынан практикалық кеңес берілді.
|
