"Инклюзивті білім беруді қолдау"
2026 жылдың 06 наурыз күні "Инклюзивті білім беруді қолдау" орталығында көктемнің ең шуақты мерекелерінің бірі – 8 Наурыз Халықаралық әйелдер күніне арналған ерекше әрі әсерлі мерекелік жиын өткізілді. Бұл күн – аналарымыз бен ұстаздарымызға, әпке-қарындастарымызға деген құрмет пен алғысымызды білдіретін ерекше мейрам. Іс-шара барысында оқушылар өз өнерлерін ортаға салып, ән айтып, би билеп, жүрекжарды өлеңдер оқыды. Мерекелік кештің басты мақсаты – нәзік жандыларға құрмет көрсету, олардың қоғамдағы рөлін дәріптеу және оқушылардың шығармашылық қабілеттерін дамыту болды. Осындай шуақты күні барлық аруларды шын жүректен құттықтай отырып, зор денсаулық, мол бақыт және көктемдей шуақты көңіл-күй тілейміз!
|
