«Көрісу күні» мерекесі

2026 жылғы 14 наурыз күні «Шаян" мектеп-лицей» коммуналдық мемлекеттік мекемесінде ұлттық құндылықтарды дәріптеу, ұлттық киімді насихаттау және «Көрісу күні» мерекесін атап өту мақсатында оқушылар арасында мерекелік іс-шара ұйымдастырылды.

Іс-шараның мақсаты – оқушыларға қазақ халқының салт-дәстүрлерін таныстыру, ұлттық мәдениетке деген құрмет сезімін қалыптастыру және «Көрісу күні» мерекесінің маңызын түсіндіру.

Мерекелік шара барысында оқушылар ұлттық киім киіп, бір-бірімен көрісіп, ізгі тілектерін білдірді. Сонымен қатар қазақ халқының салт-дәстүрлері туралы мәліметтер айтылып, ұлттық құндылықтар насихатталды.