«Адал азамат»

04.02.2026 ж, күні Түркістан облысы Бәйдібек ауданы "Шаян" мектеп-лицей" КММ-де  құрылған магистрлер мектебінің жұмыс жоспарына сай магистр Қожамжарова Рахат Сейдахметқызы

 «Адал азамат» тұжырымдамасының идеяларына сай, патриоттық рухта тәрбиеленген, білімді әрі жасампаз ұрпақты қалыптастыру" тақырыбында мұғалімдерге тренинг сабақ өтті. 

Тренингтің мақсаты – мұғалімдердің кәсіби құзыреттілігін арттыру, ұлттық құндылықтар мен азаматтық жауапкершілікке негізделген тәрбие жұмысын оқу үдерісіне тиімді кіріктіру жолдарын көрсету, сондай-ақ «Адал азамат» моделін жүзеге асыруда заманауи педагогикалық тәсілдерді меңгерту.

Тренинг барысында мұғалімдермен тақырыпқа сай бірнеше өзекті бағыттар қамтылды. Атап айтқанда:

– патриоттық тәрбие мен азаматтық ұстанымды қалыптастыру;

– адалдық, жауапкершілік, еңбекқорлық құндылықтарын сабақ мазмұнына енгізу;

– оқушының тұлғалық дамуына бағытталған тәрбие жұмыстарының тиімді үлгілері;

– мұғалімнің рөлі – адал азаматты қалыптастырушы негізгі тұлға.

Сабақтың барысы интерактивті әрі тәжірибеге бағытталған форматта өтті. Қатысушылар топтық жұмыстарға қатысып, кейс-стади тапсырмаларын орындады, жағдаяттық сұрақтар арқылы нақты өмірлік мысалдарды талдады. Сонымен қатар, пікір алмасу, ойталқы, рефлексия кезеңдері ұйымдастырылып, әр мұғалім өз тәжірибесімен бөлісуге мүмкіндік алды.

Тренингте ұсынылған практикалық тапсырмалар педагогтерге тәрбие бағытындағы жұмыстарды жүйелі жоспарлауға, құндылықтарға негізделген сабақ үлгілерін құрастыруға, сондай-ақ алған білімдерін тікелей оқу-тәрбие процесінде қолдануға бағытталды.

Іс-шара жоғары деңгейде өтіп, қатысушылар тарапынан белсенділік пен қызығушылық байқалды. Мұғалімдер тренингтің мазмұны өзекті, тәжірибелік тұрғыда пайдалы болғанын атап өтіп, алдағы уақытта мұндай кәсіби алаңдардың жиі ұйымдастырылуын қолдайтындықтарын білдірді.

#АдалАзамат

#ПатриоттықТәрбие

#ЖасампазҰрпақ