Түркістан облысы, «Бәйдібек ауданының білім бөлімі» мемлекеттік мекемесінің

08.05.2026 жылғы №1037 санды қатынас хатына сәйкес, “Шаян” мектеп-лицей” КММ-де 11–22 мамыр аралығында 1–11 сынып білім алушыларына «Жазғы демалыс кезіндегі қауіпсіздік ережелері» тақырыбында бірыңғай жеке қауіпсіздік сабақтары өткізілуде.

Сынып сағаттарының алғашқы 10 минутында ұйымдастырылған бұл сабақтар оқушыларға жаз мезгілінде орын алуы мүмкін қауіп-қатерлердің алдын алу, жолда, суда, табиғатта және тұрмыста өзін дұрыс ұстау ережелерін түсіндіруге бағытталған.

Оқушылардың қауіпсіздігін қамтамасыз ету – баршамызға ортақ міндет.                                                                                                                                                                                                                                                          # ЖаздағыЖекеҚауіпсіздік

https://www.facebook.com/share/ p/1DzAuuqH4U/?mibextid=wwXIfr

«БАЛА ҚАУІПСІЗДІГІ – БАСТЫ НАЗАРДА»: ТҮРКІСТАНДА АТА-АНАЛАРМЕН ЖАҢА ФОРМАТТАҒЫ ЖҰМЫС БАСТАЛАДЫ  

Түркістан облысында «Адал ата-ана — қауіпсіз балалық шақ» өңірлік тұжырымдамасы аясында ата-аналармен жүйелі әрі мазмұнды жұмыс жүргізілуде.  

15-22 мамыр аралығында барлық білім беру ұйымдарында «Жанға жетер» атты ерекше форматтағы ата-аналар жиналыстары өтеді. Бұл кездесулер дәстүрлі есеп беру жиыны емес, ата-ана мен мектеп арасындағы ашық әрі шынайы диалог алаңына айналмақ.  

Жиналыстар барысында:  

 «Өкініш пен сабақ» бөлімі арқылы жыл басынан бері орын алған келеңсіз оқиғаларға қатысты бейнематериалдар мен нақты деректер ұсынылады;  

«Аманатқа адалдық» тақырыбында ата-ананың бала алдындағы жауапкершілігі түсіндіріліп, заң аясындағы міндеттері кеңінен айтылады;  

Әр ата-анаға баласының жазғы демалысын қауіпсіз әрі тиімді ұйымдастыруға арналған арнайы чек-лист пен практикалық нұсқаулықтар таратылады.  

Сондай-ақ, мамыр айының соңында облыстық қорытынды форум ұйымдастырылып, бала қауіпсіздігіне қатысты халықаралық және отандық тәжірибелер талқыланады.  

Форум аясында:  

«Адал азамат» жобалары таныстырылып, балаларды жазғы уақытта волонтерлікке, кітап оқуға және спортқа баулу жолдары ұсынылады;  

«Түркістан облысы ата-аналарының бала қауіпсіздігі туралы манифесі» қабылданады.  

Бала қауіпсіздігі – тек мектептің емес, бүкіл қоғамның ортақ міндеті.  

Саналы ата-ана – қауіпсіз балалық шақтың кепілі.

https://www.facebook.com/share/p/ 1crNWX34xF/?mibextid=wwXIfr

«ҚАУІПСІЗ БАЛАЛЫҚ ШАҚ — БӘРІМІЗГЕ ОРТАҚ ЖАУАПКЕРШІЛІК»  

Түркістан облысында «Адал ата-ана — қауіпсіз балалық шақ» өңірлік тұжырымдамасы аясында 18 мамыр мен 1 маусым аралығында кең көлемді ведомствоаралық іс-шаралар ұйымдастырылады.     

Басты мақсат — балалардың қауіпсіздігін қамтамасыз етіп қана қоймай, ата-ана, мектеп және қоғам арасындағы өзара жауапкершілікті күшейту.  

Осы бағытта облыстың барлық білім беру ұйымдары мен жауапты мекемелер бірлескен жұмыстар жүргізеді.  

Білім басқармасы тәрбие бағытындағы жұмыстарды үйлестіріп, «Ата-аналарға педагогикалық қолдау көрсету орталықтарының» жұмысын жандандырады. Сонымен қатар қоғамдық орындарда арнайы «мобильді кеңестер» ұйымдастырылады.  

Төтенше жағдайлар департаменті мен Полиция департаменті су айдындарындағы қауіпсіздік шараларын күшейтіп, түнгі рейдтерді ата-аналар патрулімен бірге өткізеді.  

Ата-аналар қауымдастығы өз ауылдары мен сыныптарында «Көршілер бақылауы» бастамасын іске асырып, балалар қауіпсіздігіне ортақ бақылау жүргізеді.  

Тұжырымдама аясында бірнеше маңызды бағыт бойынша арнайы акциялар мен кездесулер өтеді:  

«Бақытты отбасы – бақытты ел» жобасы аясында психологтармен кездесулер, отбасылық спорттық жарыстар және қайырымдылық шаралары ұйымдастырылады;  

«Қауіпсіз балалық шақ» бағыты бойынша құқықтық мәдениетті қалыптастыру, «Қауіпсіз аула», «Қауіпсіз маршрут» акциялары өткізіледі;  

 «Дені сау ұрпақ» жобасында тұрғындарға тегін медициналық кеңестер беріліп, салауатты өмір салтын насихаттайтын шаралар ұйымдастырылады;     

 «Сандық әлемге саяхат» аясында ата-аналарға балалардың интернет қауіпсіздігі мен цифрлық бақылау құралдары түсіндіріледі;  

«Бала қауіпсіздігі – басты орында» бағыты бойынша төтенше жағдай кезінде әрекет етуге арналған мастер-кластар мен «Қауіпсіз үй» акциялары өткізіледі.  

Сондай-ақ, мамыр айының соңына дейін саябақтарда, сауда орталықтарында, ойын алаңдарында және су айдындары маңында арнайы «Мобильді кеңес» жұмыстары жүргізіліп, ата-аналарға жадынамалар мен мамандар кеңесі ұсынылады.  

Баланың қауіпсіздігі — тек отбасының емес, бүкіл қоғамның ортақ міндеті.  

Бірге қорғайық, бірге қамқор болайық!

https://www.facebook.com/share/p/ 1NbDJuU19Q/?mibextid=wwXIfr

“Шаян”мектеп-лицей”КММ-нің

1986-2026 жылдар аралығындағы 40 жылдық түлектер кездесу кеші өтті.

Мектебіміздің 1986 жылғы түлектерінің 40 жылдық мерейтойына арналған салтанатты кездесу кеші жоғары деңгейде ұйымдастырылып өткізілді. Кеш барысында түлектер алтын ұя мектебімен қайта қауышып, ұстаздарға құрмет көрсетіп, өткен күндердің естеліктерімен бөлісті.

Іс-шара барысында мектеп өмірінен сыр шертетін әсерлі сәттер айтылып, оқушылар тарапынан концерттік бағдарламалар ұсынылды. Түлектер мектептің бүгінгі тыныс-тіршілігімен танысып, білім ордасына деген ыстық ықыластарын білдірді.

Кездесу кеші сыйластық пен сағынышқа толы әсерлі көңіл-күйде өтіп, мектеп тарихындағы жарқын естеліктердің бірі болды.

https://www.facebook.com/share/v/ 1EDSQxJyQU/?mibextid=wwXIfr

«Инклюзивті білім беруді қолдау орталығының» мамандары Отан қорғаушылар күні және Жеңіс күні мерекелеріне орай орталықта  оқушыларға патриоттық тәрбие беру мақсатында түсіндіру жұмыстары жүргізілді. Іс-шара барысында оқушыларға Отан қорғаушылардың ерлігі, Ұлы Отан соғысы жылдарындағы батырлардың жанқиярлық еңбегі, бейбіт өмірдің құндылығы туралы мазмұнды ақпараттар берілді. Түсіндіру жұмыстары әңгіме, сұрақ-жауап және сыныптық талқылау түрінде ұйымдастырылды.

Сонымен қатар,  оқушылардың шығармашылық белсенділігін арттыру мақсатында мерекелік концерттік бағдарлама дайындалды. Бағдарламаға ЕБҚ бар (ерекше білім беру қажеттіліктері бар) оқушылар да белсене қатысты. Олар патриоттық әндер мен билерге қатысты. Бұл олардың өзін-өзі көрсетуіне, сахна мәдениетін дамытуға және ұжымдық іс-әрекетке бейімделуіне  оң әсер етті. Барлық қатысушылар белсенділік танытып, мерекелік бағдарлама жоғары деңгейде өтті.

Қорытындылай келе, өткізілген іс-шара оқушылардың патриоттық сезімін арттырып, Отанға деген сүйіспеншілігін нығайтты.

https://www.facebook.com/share/p/ 14eWYAq6SAG/?mibextid=wwXIfr

"Шаян" мектеп-лицей" КММ -де мектеп оқушыларының шығармашылығы көрмелерін ұйымдастыру іс- шарасы барысында барлық балалардың, соның ішінде ерекше білім беру қажеттіліктері (ЕБҚ) бар оқушылардың қатысуына ерекше көңіл бөлінді.Балалардың өз қолдарымен жасаған шығармашылық бұйымдары семинарлар мен апталықтар аясында ұйымдастырылған көрмелерге қойылып, көрермендердің жоғары бағасына ие болды. Орталығымыздың оқушылары да күнделікті өмірде қолдануға болатын түрлі бұйымдар жасап үйреніп, еңбекке деген қызығушылықтарын арттыруда.

https://www.facebook.com/share/p /1CUji8AYLv/?mibextid=wwXIfr

“Шаян”мектеп-лицей”КММ-нде 9 Мамыр – Ұлы Жеңіс күніне орай мерекелік іс-шара өткізілді. Іс-шараның мақсаты – жас ұрпаққа майдангерлердің ерлігін насихаттап, Отанға деген сүйіспеншілікті арттыру. Мереке аясында оқушылар музейге барып, тарихи мәліметтермен танысып, батырлар рухына тағзым етті. Сонымен қатар мектеп қабырғасында да арнайы мерекелік кеш ұйымдастырылып, оқушылар патриоттық әндер айтып, көркем сөздер оқыды. Іс-шара жоғары деңгейде өтті.

https://www.facebook.com/share /r/1HfpXcFd15/?mibextid=wwXIfr

"Ұлы Жеңістің 81жылдығына" орай "Шаян мектеп-лицей" оқушылары арасында спорттың "Жеңіл атлетика" түрінен сыныпаралық жарыс өтті.  Дене шынықтыру пәні бірлестігі ұйымдастырған спорттық іс-шараға "100 метрге уақыт есебімен жүгіру", " Орнынан екпін алып ұзындыққа секіру" және " Эстафета 4×100 м" түрлері бойынша өте тартысты бәсекеге оқушылар жекелей,командалық есепте жоғары даярлықпен қатысты. Өте тартысты өткен жеңіл атлетика жарысында өзара жүлделі орындарға ие болған көптеген жас спортшылар: 10 Б сыныбынан Ғалымжанұлы Ердос, 9  А сын. Аманали Айсағали, 9 Б сын. Асылхан Нұрасыл, 8 Б сын. Лесбай Нұрасылхан, 10 Б сын. Сағымбек Арайлым, 9 А сын.Бекбосынова Елдана, 8 В сын. Дәулетханқызы Жансезім және 8 В сын. Тұрдалы Шынар жүлделі орындарға ие болды. Спорттық сайыста  белсенді түрде көзге түскен бірнеше жүлдегер оқушылар мектеп құрама командасына мүше болып қабылданды. Алдағы  уақытта өткізілетін көптеген ірі жарыстарда да оқушыларымызға толағай табыс пен жеңістер     тілейміз.

https://www.facebook.com/share/p /18k7afc6gW/?mibextid=wwXIfr

“Шаян” мектеп-лицей” КММ-де 7 мамыр – Отан қорғаушылар күніне орай ер азаматтарға арналған мерекелік іс-шара ұйымдастырылды. Мерекелік шара барысында ел қорғаған азаматтардың ерлігі дәріптеліп, мектеп ұжымындағы ер азаматтарға құрмет көрсетілді.

 Іс-шараның басты мақсаты – жас ұрпақтың бойына патриоттық рух қалыптастыру, ерлік пен батырлықты насихаттау, Отан алдындағы жауапкершілікті сезіндіру. Мерекеде жылы лебіздер айтылып, әсем әндер шырқалып, ер азаматтарға ізгі тілектер арналды.

https://www.facebook.com/share /v/1DpiaEvfq5/?mibextid=wwXIfr

#біртұтас _тәрбие

#адал азамат

   7 мамыр – Отан қорғаушылар күніне орай «Шаян» мектеп-лицей» КММ-де тәрбие сағаттары өткізілді. Іс-шараның негізгі мақсаты – оқушыларға елін, жерін қорғаған батырлардың ерлігін дәріптеу, Отанға деген сүйіспеншілікті арттыру және патриоттық тәрбие беру болды.

   Тәрбие сағаттары барысында Қазақстан Қарулы Күштері туралы мәліметтер беріліп, батырларымыздың ерлігі жайында тағылымды әңгімелер айтылды. Сонымен қатар, оқушылар тақпақтар айтып, өз ойларын білдіріп, елге деген құрметтерін көрсетті.

   Осындай мазмұнды шаралар жас ұрпақтың бойында патриоттық рухты қалыптастырып, Отанға деген сүйіспеншілігін нығайтуға ықпал етті.

https://www.facebook.com/share/p /1EAQWk9qkj/?mibextid=wwXIfr